વતન:જોડિયાથી શ્રમિકોની 60 બસો રવાના

જોડિયા તાલુકાના ગામોમાં પરપ્રાંતીય શ્રમીકોને પોતાના વતન મોકલવાની કામગીરી થઈ રહી છે. જેમાં તા.3/5થી 10/5/20 સુધીમાં 60 બસો વધારે 200 રવાના કરવામાં આવી. જેમા મધ્યપ્રદેશના અલીરાજપુર, જાંબવા અને ગુજરાતમાં દાહોદના ફતેપુરા અને ધાનપુર છોટા ઉદયપુર, મહીસાગરના સંતરામપુર લુણાવાડા ખાતે મોટાભાગના મોટાભાગના શ્રમિકોને વતન વાપસી કરી હતી. સમગ્ર કામગીરી  ગ્રામ પંચાયતોના સરપંચ અને મંત્રીઓએ શ્રમિકોની બસમાં સોશિયલ ડિસ્ટેન્સ જળવાઈ રહે તે મુજબ યાદી તૈયાર કરી, શ્રમીકોને સમજૂતી કર્યા હતા. તાલુકાના તમામ પ્રાથમિક આરોગ્ય કેન્દ્રના ડોક્ટરો અને મેડિકલ ટીમ અને ક્યુઆરટી ની ટીમો દ્વારા એક-એક શ્રમિકોનું સ્ક્રીનિંગ કરવામાં આવ્યું હતું. તાલુકા પંચાયત ની ટીમ દ્વારા ઓનલાઇન ડીજીટલ ગુજરાત વેબસાઈટમાંથી મંજૂરી મળી રહે તે માટેની કાર્યવાહી કરવામાં આવી હતી. મામલતદાર દ્વારા ગાઈડલાઈન મુજબની તાત્કાલિક પણે મંજૂરી આપવામાં હતી અને જોડીયા પોલીસ સ્ટેશનના પીએસઆઇની આગેવાની હેઠળ પોલીસ દ્વારા આ કામગીરીમાં સોશિયલ ડિસ્ટેન્સનું પાલન કરવામાં આવ્યું હતું.