હાલાકી:ધોરાજીમાં સબ રજિસ્ટ્રાર કચેરીના સર્વર ડાઉન, કામગીરી અટકી

ધોરાજીમાં સબ રજીસ્ટ્રાર કચેરીના સર્વર ડાઉન થતાં દસ્તાવેજોની નોંધણી તથા ટાઇટલ ક્લિયર,સર્ચ રિપોર્ટ કાઢવામાં પડતી હાલાકી દૂર કરવા માંગ ઉઠી છે. ધોરાજી સહિતની સબ રજીસ્ટ્રાર કચેરીના સર્વર ડાઉન થતાં કામગીરી અટકી હતી. ત્યારે અરજદારોમાં તાકીદે યોગ્ય કરવા માટેની ફરિયાદ ઉઠવા પામી છે.

રેવન્યુ પ્રેક્ટિસ કરતા અને તેમાં પણ ખાસ કરીને ટાઇટલ ક્લીયરન્સ રિપોર્ટ માટે નિમાયેલા પેનલ એડવોકેટ તરફથી સબ રજીસ્ટ્રાર કચેરીમાં રેકોર્ડની સર્ચ લેવાનું ફરજિયાત હોય છે. આવા સંજોગોમાં હાલમાં ભ્રષ્ટાચાર અટકાવવા ઓનલાઇન પેમેન્ટનું પોર્ટલ બનાવ્યુ છે પરંતુ આ પોર્ટલ મોટાભાગે બંધ રહે છે અથવા તો તેમાંથી પેમેન્ટ ટ્રાન્સફર થઇ રહ્યું નથી માટે લોકોને હાલાકી ભોગવવી પડે છે. આ મામલે રજૂઆત કરવા છતા તંત્ર વાહકો દ્વારા નક્કર કાર્યવાહી નહી કરાતા રોષ વ્યાપી રહ્યો છે.