વાતાવરણ:ધોરાજીમાં ભારે ગરમી ઉકળાટ વચ્ચે પવન સાથે વરસાદી માહોલ

ભારે ગરમી ઉકળાટ વચ્ચે બપોર પછી પવન સાથે ધોરાજી, જામકંડોરણા અને મંડલીકપુર પંથકમાં વરસાદ પડ્યો હતો. ધોરાજીમાં ગરમી ઉકળાટ વચ્ચે સાંજે એકાએક વાતાવરણમાં પલ્ટો આવતા પવન સાથે વરસાદ વરસ્યો છે. ભારે ગરમી અને બફારા વચ્ચે વરસાદના ઝાપટા પડતાં વાતાવરણમાં ઠંડક પ્રસરી હતી અને લોકોએે ગરમીથી છુટકારો મળતાં રાહતનો શ્વાસ લીધો હતો. જોકે વરસાદ પડતાં ખેતરોમાં પાણી ભરાઇ જવાની અને અનેક વિસ્તારમાં વિજ પુરવઠો ખોરવાઇ જવાની ફરિયાદો ઉઠી હતી.