રાજકોટ:જામકંડોરણાના શ્રમિકોને આરોગ્ય તપાસ કરી વતન રવાના કરાયા

જામકંડોરણા ખાતે રોજગારી માટે આવેલા શ્રમિકોને તંત્ર વાહકો દ્વારા વતન રવાના કરાયા છે.  સરકાર દ્વારા મંજૂરી આપવામા આવતા જામકંડોરણા વહીવટી તંત્ર દ્વારા તાલુકાના અલગ અલગ ગામોમાં રહી મજૂરી કામ કરતા મધ્ય પ્રદેશ સહિતના રાજ્યોના વિવિધ જિલ્લાઓના કુલ 151 શ્રમિકોને જામકંડોરણા મામલતદાર પી.એસ. ખરાડી, તાલુકા વિકાસ અધિકારી બી. આર. બગથરીયા તથા સ્ટાફની હાજરીમા જામકંડોરણા બસ સ્ટેશનથી એસ.ટી.ની બસમાં મેડીકલ ચેકઅપ કરી ભોજન કરાવી ફૂડ પેકેટ આપીને વતન રવાના કરાયા છે.

ગ્રામ પંચાયતના સભ્યોએ 22 બસ દોડાવી રાજકોટ રેલ્વે સ્ટેશન સુધી મજૂરોને પહોંચાડ્યા
જ્યારે કોટડાસાંગાણીના વેરાવળથી ટ્રેન મારફત ઉત્તર પ્રદેશ જતા મજૂરોને રાજકોટ રેલ્વે સ્ટેશન સુધીમા ફ્રિમાં બસની સુવિધા ગ્રામ પંચાયતના સભ્યએ પુરી પાડી હતી. ગુજરાતમાથી પર પ્રાંતીય મજૂરો વતનની વાટ પકડી  રહ્યા છે. ત્યારે રાજકોટના સૌથી મોટા ઈન્ડસ્ટ્રીઝ એરીયા વેરાવળ(શાપર)માંથી ઉત્તર પ્રદેશ જવા રાજકોટથી તંત્ર દ્વારા રેલ્વેની વ્યવસ્થા કરવામાં આવી હતી. ત્યારે વેરાવળથી 1755  મજૂરને રાજકોટના જંકશન સુધી પહોંચાડવા માટે વેરાવળ ગ્રામ પંચાયત સભ્યએ તેમજ અન્ય કંપનીએ ખાસ વ્યવસ્થા ગોઠવી આપી હતી અને ગ્રામ પંચાયતના સભ્યએ 22 બસ દોડાવી રાજકોટ રેલ્વે સ્ટેશન સુધી મજૂરોને  પહોંચાડી દીધા હતા.