દુર્ઘટના:પત્નીને બચાવવા જતાં પતિનું દાઝી જતાં મોત

ધોરાજીમાં રહેણાંકમાં રાંધણ ગેસની નળી લીકેજ થતાં અચાનક આગ ભભૂકી ઉઠી હતી અને આગમાં સપડાયેલી પત્નીને બચાવવા જતાં પતિનું ગંભીર રીતે દાઝી જતાં સારવારમાં મોત નિપજ્યું હતું. આગની લપેટમાં આવી જતાં પતિ ગંભીર રીતે દાઝી ગયો હતો અને સારવારમાં તેનું મોત નીપજ્યું હતું. ધોરાજીના પીપળા પાસે રહેતા પ્રફુલભાઇ વેલજીભાઈ પોતાના ઘેર હતા ત્યારે તેના પત્ની રસોઇ કરવા માટે ગેસ ચાલુ કરતા આગ લાગતાં હર્ષાબેન પ્રફુલભાઇએ રાડ પાડતાં બચાવવા માટે પ્રફુલભાઇ વેલજીભાઇ દોડતા દાઝતા બને પતિ પત્ની સારવારમા હોસ્પિટલ ખસેડાયા હતાં. સારવાર દરમ્યાન પ્રફુલભાઇ વેલજીભાઇનું મોત નિપજયું છે.