ક્રાઇમ:ધોરાજીમાં ધુમાડો કરવાની ના પાડતાં આધેડ પર હુમલો, ચારેય શખ્સને ઝડપી લેવા તજવીજ

ધોરાજીના ફરેણી રોડ પર ધૂમાડો કરવા મામલે ચાર શખ્સોએ આધેડ પર હૂમલો કરતાં પોલીસ ફરિયાદ નોંધાઈ છે. ધોરાજીના ફરેણી રોડ ખાતે રહેતા ચંદુભાઈ મકવાણા તેમના ઘર પાસે બેઠા હતા ત્યારે ચાર શખ્સો વાયર સળગાવીને એનો ધુમાડો કરતા ધૂમાડો કરવાની ના પાડતા ઉશ્કેરાઈ જઈને લાકડી વડે હુમલો કરતાં ગંભીર ઈજાઓ પહોંચી હતી.

ધોરાજીના ફરેણી રોડ પર રહેતા ચંદુભાઈ રામજીભાઈ મકવાણાએ ગણપત સોમાભાઈ, કિશોર સોમાભાઈ,રઘુભાઈ સોમાભાઈ, અજય ગણપતભાઇ વિગેરે ચાર શખ્સ વિરુદ્ધ ફરિયાદ નોંધાવતા જણાવ્યું હતું કે તેઓ તેમના ઘરે બેઠા હોય ત્યારે ઉપરોક્ત ચાર શખ્સ ભંગારમાં કેબલ સળગાવતા હોય અને ધુમાડો કરતાં ધુમાડો ઘરમાં આવતા જે બાબતે ના પાડતા સામેવાળા શખ્સોએ ઉશ્કેરાઇ જઇને લાકડાના ધોકા, લોખંડના પાઇપ લોખંડના ધારિયા વડે આ આડેધડ ઘા મારતા ગંભીર ઈજા પહોંચી હતી અને માથાના ભાગે ઇજા તેમજ પગના ભાગે ફ્રેકચર જેવી ગંભીર ઇજા થતા તાત્કાલિક ધોરાજી સરકારી હોસ્પિટલ ખાતે લઇ જવામાં આવ્યા હતા અને ત્યાંથી વધુ સારવાર માટે જૂનાગઢ ખાતે લઈ જવામાં આવેલ હતા. આ મામલે પોલીસે ચાર શખ્સો વિરૂધ્ધ ગુનો નોંધી કાયદેસરની કાર્યવાહી હાથ ધરી છે.