કાર્યવાહી:ધોરાજીના વેગડીના શખ્સની પાસા હેઠળ ધરપકડ કરાઇ

ધોરાજીના વેગડી ગામે દારૂ સહિતના ગુનાઓમાં સંડોવાયેલા શખ્સ સામે જિલ્લા કલેક્ટરે પાસા વોરંટ મંજૂર કરતાં રૂરલ પોલીસની ટીમે તેને ઝડપી પાડીને આગળની કાર્યવાહી હાથ ધરી છે. વેગડીના ભાવેશ ભોજાભાઇ કોડિયાતરને વિદેશી દારૂના કેસમાં ઝડપી લીધો હતો અને આરોપી અવારનવાર ગુનાહિત પ્રવૃતિ આચરતો હોય તેની વિરુદ્ધ પાસાની કાર્યવાહીની દરખાસ્ત કરાતાં રાજકોટ જિલ્લા કલેકટર રેમ્યા મોહનએ પાસા હેઠળ કાર્યવાહી કરી તેનું વોરંટ રાજકોટ જિલ્લા પોલીસ વડાને સોંપતા રાજકોટ રૂરલ એલસીબી પીઆઇ એ.આર ગોહિલ, પી એસ આઈ કોલાદરા, મહેશભાઈ જાની ,શક્તિસિંહ જાડેજા તેમજ ધોરાજીના પોલીસ ઇન્સ્પેક્ટર હુકુમત સિંહ જાડેજાને સાથે રાખી આરોપીને ઝડપી લઇને પાસા હેઠળ સુરત લાજપોર જેલ ખાતે મોકલી આપવા તજવીજ હાથ ધરી હતી.