જાગૃતિ અભિયાન:મતદાન જાગૃતિ માટે વિદ્યાર્થીનીઓએ પરંપરાગત પોશાક, ઘરેણાં પહેરી નૃત્ય કર્યું

પોરબંદરમાં સ્થાનિક સ્વરાજ્યની ચૂંટણીમાં વધુમાં વધુ મતદાન થાય તે માટે સ્ટેટ વોટર અવરનેસ પ્રોગ્રામ ચાલી રહ્યો છે જે અંતર્ગત શારદા વિદ્યા મંદિર હાઇસ્કુલ સિમર ના N.S.S યુનિટ દ્વારા લોકજાગૃતિ માટે વિવિધ પ્રોગ્રામ દ્વારા મતદારોમાં જાગૃતિ લાવવા પ્રયત્ન કરવામાં આવ્યો હતો.

N.S.S યુનિટના બહેનો તેમજ શાળાના વિદ્યાર્થીઓ દ્વારા ગામમાં એક મતદાન જાગૃતિ રેલી યોજવામાં આવી. 'હું મતદાન અવશ્ય કરીશ' તેવું લખાણ લખી વિદ્યાર્થીઓ ,સ્ટાફ તેમજ ગ્રામજનોની સહી લેવામાં આવી ઉપરાંત દરેક બાળકોએ પોતાના વાલીને આવું લખાણ આપી એમને મતદાન અવશ્ય કરવા જવા માટે પ્રેરિત કર્યા.

આ ઉપરાંત મતદાન જાગૃતિ વિષય પર ચિત્ર સ્પર્ધા યોજવામાં આવી. મતદાન કરવા જવાનું ભુલાય નહીં તે માટે કાંડા પર મતદાન અભિયાન અંતર્ગત દરેક વાલીગણ ને નાડાછડી બાંધી મતદાન અવશ્ય કરવા જવું તે સમજાવ્યા હતા. ધોરણ 11ની વિદ્યાર્થીનીઓ દ્વારા પોરબંદર જિલ્લાના પરંપરાગત પોશાક, ઘરેણાં પહેરી મતદાન જાગૃતિ ગરબો બનાવી મતદાન મહદાન અંગેનું નૃત્ય રજૂ કર્યું હતું. તસવીર - ધીરૂભાઇ નિમાવત