સ્પર્ધાત્મક પરીક્ષા:3 જાન્યુઆરીએ પોલીસ ઇન્સ્પેકટર વર્ગ 2 ની સ્પર્ધાત્મક પરીક્ષા યોજાશે

પોરબંદરમાં ગુજરાત સેવા આયોગ ગાંધીનગર દ્વારા પોલીસ ઇન્સ્પેકટર વર્ગ 2 ની બિન હથિયાર ધારી માટે ની સ્પર્ધાત્મક પરીક્ષા 3 જાન્યુઆરીએ યોજાશે જેમાં 5 પેટાકેન્દ્રના 50 વર્ગમાં 1184 ઉમેદવારો પરીક્ષા આપશે. ગુજરાત જાહેર સેવા આયોગ ગાંધીનગર દ્વારા પોલીસ ઇન્સ્પેકટર વર્ગ 2 ની બિન હથિયાર ધારી માટે સ્પર્ધાત્મક લેખિત પરીક્ષા પોરબંદરમાં 3 જાન્યુઆરી 2021મા યોજાશે. રવિવારે સવારે 11 થી 2 વાગ્યા સુધી પરીક્ષા યોજાશે જેમાં જિલ્લા મથકે કુલ 5 પેટા કેન્દ્રના કુલ 50 બ્લોકમાં સંભવિત 1184 ઉમેદવારો પરીક્ષા આપશે.

જેમાં પોરબંદરની બાલુબા કન્યા વિદ્યાલય, નવયુગ વિદ્યાલય, ચમ મેમોરિયલ સ્કૂલ, જે.વી. ગોઢાણીયા ગર્લ્સ સ્કૂલ યુનિટ 1 અને યુનિટ 2 મા આ સ્પર્ધાત્મક પરીક્ષા લેવાશે. એક બિલ્ડીંગમાં 22 થી 25 નો સ્ટાફ ફરજ બજાવશે ઉપરાંત પોલીસ બંદોબસ્ત પણ ગોઠવવામાં આવશે. કોરોનાને પગલે ગાઈડ લાઈનના પાલન સાથે આ પરીક્ષા યોજવામાં આવશે. જેના માટે આયોગ દ્વારા સેનેટાઈઝર અને માસ્ક પણ પુરા પાડવામાં આવ્યા છે. આ પરીક્ષા અંગેની તૈયારી પોરબંદર ખાતે પૂર્ણ થઈ ચૂકી છે. અને આ અંગેની મિટિંગ કલેકટરને અધ્યક્ષ સ્થાને રાખવામાં આવી હતી તેવું જિલ્લા શિક્ષણ વિભાગની કચેરીના સંદીપ સોનીએ જણાવ્યું હતું.