કાર્યવાહી:જાહેરનામાનો ભંગ કરનાર ત્રણ શખ્સ સામે કાર્યવાહી

પોરબંદર જિલ્લાના વિવિધ સ્થળો પર કોરોનાની ગાઇડલાઇનનું ઉલ્લંઘન કરી, કોરોના મહામારીનો ચેપ જાહેરમાં વધુ ફેલાઇ શકે તેવા બેદરકારી ભર્યા કૃત્યો કરનારા ૩ શખ્સો સામે પોલીસે લાલઆંખ કરી ગુના નોંધ્યા હતા, જેમાં શહેરના કડિયાપ્લોટમાં રહેતા તુષાર ભગવાનભાઇ રાઠોડે પોતાની ખાણીપીણીની લારી આસપાસ યોગ્ય સામાજીક-અંતર વગર ગ્રાહકોની ભીડ ભેગી કરી બેદરકારી ભર્યુ કૃત્ય કર્યુ હતુ, તો બીજી તરફ મોઢા ઉપર માસ્ક બાંધ્યા વગર પ્રશાંત પ્રભાતગીરી ગોસાઇ તેમજ અફઝલ આમદભાઇ બેલીમ નામના શખ્સો શહેરના વિલા સર્કીટ હાઉસવાળ રોડ પરથી નીળકતા પોલીસે આ બન્ને શખ્સો પાસેથી માસ્ક ન પહેરવા બદલ રૂ.૧૦૦૦/- નો દંડ વસૂલવાની કાર્યવાહી કરતા આ બન્ને શખ્સોએ આવો દંડ ભરવા આનાકાની કરી દંડ ભરવાનો ઇન્કાર કરતા પોલીસે ઉક્ત બન્ને શખ્સો સામે ગુના નોંધી કાર્યવાહી કરી હતી.