ક્રાઇમ:જાહેરનામાનો ભંગ કરનાર પાંચ ધંધાર્થી સામે કાર્યવાહી

પોરબંદર જિલ્લામાં ફ્રુટની લારી, હોટલ અને નાસ્તાની લારીએ સામાજિક અંતર ન જાળવતા પોલીસે 5 ધંધાર્થીઓ સામે જાહેરનામાના ભંગ બદલ ગુન્હો નોંધ્યો છે. પોરબંદરમાં સુનિલ જાદવ ગોહિલની ખારવાવાડ પાલાના ચોકમા આવેલી નાસ્તાની લારી, કેતન અરવિંદ પાણખાણીયા ની એસીસી ગ્રાઉન્ડના ગેઇટ પાસે આવેલ શ્રીજી દાલ પકવાન, રાજેશ દામજી પરમારની માર્કેટિંગ યાર્ડ પાસે આવેલ શ્રી ચામુંડા નામની હોટલ, રાણાવાવના ફિરોજ અલી રાઠોડ ની પાલિકા કચેરી સામે ફ્રુટની લારીએ અને રાણાવાવના સરકારી દવાખાના સામે સરફરાઝ હારુન પાલાની ફ્રુટની લારીએ લોકો એકઠા થયા હતા અને સામાજિક અંતર જળવાયું ન હતું. અને કોરોના વાયરસનું સંક્રમણ ફેલાય તેવુ બેદરકારી ભર્યું કૃત્ય કરતા મળી આવતા જાહેરનામાના ભંગ બદલ ગુન્હો નોંધી 5 જેટલા ધંધાર્થીઓ સામે પોલીસે ગુન્હો નોંધી કાયદેસરની કાર્યવાહી હાથ ધરી છે.