ખુલાસો:પોરબંદરના કોંગી મહિલા સુધરાઈ સભ્યએ ફેરવી તોળ્યું, ના હું આપમાં નથી

પોરબંદર21 દિવસ પહેલા
  • કૉપી લિંક
  • દ્વારકા ખાતે કેજરીવાલની ઉપસ્થિતિમાં ખેસ પહેરી ફોટોગ્રાફી વાયરલ થયા બાદ ખુલાસો કર્યો

પોરબંદરમાં ખારવા સમાજના અગ્રણી અને કોંગ્રેસના સુધરાઈ સભ્ય જીવનભાઈ જુંગીની સાથે અન્ય મહિલા સુધરાય સભ્ય પણ દ્વારકા ખાતે આપમાં જોડાયા હતા. કેજરીવાલની ઉપસ્થિતિમાં ખેંસ પેહરી આપમાં જોડાયા હોવાનો ફોટોગ્રાફ સોશિયલ મીડિયામાં વાયરલ થયો હતો. ત્યારે કોંગ્રેસના મહિલા સુધરાય સભ્ય ભાનુબેન જુંગી છ દિવસ પહેલા દ્વારકામાં આમ આદમી પાર્ટીમાં જોડાઈ ગયા હોવા અંગે સ્પષ્ટતા કરી છે કે હું કોંગ્રેસમાં છું. અને કોંગ્રેસમાં જ રહીશ.

મહિલા સુધરાઈ સભ્ય ભાનુબેનએ એવું જણાવ્યું છે કે કેજરીવાલની મુલાકાત માટે તેઓને માહિતી આપ્યા વગર અચાનક જ લઈ જવામાં આવ્યા હતા. અને જ્યાં ખેસ પહેરાવીને ફોટોગ્રાફી કરી લેવામાં આવી હતી. અને ત્યારે તેઓ બોલી શક્યા ન હોવાનું જણાવ્યું હતું. ત્યારબાદ સોશિયલ મીડિયામાં ફોટો વાયરલ થતા મહિલા સુધરાઈ સભ્યએ હાલ સ્પષ્ટતા કરી છે કે હું આપમાં જોડાયેલ નથી. અને કોંગ્રેસમાં છું. આગામી વિધાનસભાની ચૂંટણીમાં પણ કોંગ્રેસનો વિજય બનાવવામાં તનતોડ મહેનત કરીશ, તેવો ખુલાસો આપ્યો છે.

અન્ય સમાચારો પણ છે...