હવામાન:પોરબંદરમાં તાપમાનનો પારો 11.9 ડિગ્રી નોંધાયો, પરમદિવસે 9.6 ડિગ્રી લઘુતમ રહ્યો હતો

પોરબંદરમાં ઠંડીનો પારો 11.9 નોંધાયો છે. પરમદિવસે 9.6 ડિગ્રી લઘુતમ તાપમાન રહ્યું હતું. બપોરે હૂંફાળો માહોલ રહ્યો હતો.પોરબંદરમાં સવારે લઘુતમ તાપમાન 11.9 નોંધાયું છે. જો કે ઠંડી યથાવત રહી હતી. બપોરે હૂંફાળો માહોલ રહ્યો હતો. છેલ્લા 4 દિવસની વાત કરીએ તો ગત શુક્રવારે સવારે લઘુતમ તાપમાન 11.8 નોંધાયું હતું.

જેથી ઠંડીમાં રાહતનો અનુભવ થઈ રહ્યો હતો. બાદ શનિવારે સવારે લઘુતમ તાપમાન 9.6 ડિગ્રી નોંધાયું હતું જેથી 2 ડિગ્રી તાપમાન નીચું જતા ઠંડીનો ચમકારો જોવા મળ્યો હતો. રાત્રે ઠંડા પવન ને કારણે ઠંડીનો માહોલ રહ્યા બાદ રવિવારે સવારે તાપમાનનો લઘુતમ પારો 10.2 નોંધાયો છે. અને સોમવારે લઘુતમ તાપમાન 11.9 નોંધાતા ગઈકાલે 10.2 ડિગ્રી માંથી 1.7 ડિગ્રી તાપમાન ઉચકાયું હોવાથી હૂંફાળો માહોલ જોવા મળ્યો હતો.