આજે વિશ્વ વેટલેન્ડ દિવસ:પોરબંદરમાં મુખ્ય 24 સહિત જુદા જુદા ફેલાયેલા 226 વેટલેન્ડ આવેલા છે

આજે વિશ્વ વેટલેન્ડ દિવસ મનાવવામાં આવે છે. પોરબંદર જિલ્લામાં મુખ્ય 24 વેટલેન્ડ આવેલા છે જેમાં ખરું મીઠું પાણી લાંબો સમય ભરાયેલું રહે છે અને પક્ષીઓ અહીં વેટલેન્ડમાં વિહરતા ખોરાક મેળવતા હોઈ છે. પોરબંદર જિલ્લામાં પક્ષી અભયારણ્ય, છાયા રણ, જાવર ક્રિક, કુછડી ક્રિક, ગોસાબારા ક્રિક, માધા ક્રિક, બરડા સાગર ડેમ, સોરઠી ડેમ, વિસાવાડા, વડાળા તળાવ, ભાદરબારા ક્રિક, સુકારા તળાવ, મોકર રણ, અમીપુર ડેમ, કર્લી તળાવ, ફોદાળા, ખંભાડા ડેમ સહિતના 226 વેટલેન્ડ આવેલા છે. જેમાં વિદેશી પક્ષીઓ મુક્તમને વિહરી રહ્યા છે.