ભેદ ઉકેલાયો:પોરબંદર શહેરમાં ફેરિયાની ગુમ થયેલી બેગ પોલીસે પરત અપાવી

પોરબંદર જિલ્લાના નેત્રમ પ્રોજેક્ટ અંતર્ગત લાગેલા કેમેરાઓ નો મહત્તમ ઉપયોગ કરી ગુન્હાનો ભેદ ઉકેલવા પ્રયાસ થઈ રહ્યા છે જેમાં પશ્ચિમ બંગાળના બર્ધમાન જિલ્લાના કછુવા ગામનો અરૂપ હરીપ્રસાદ ઘોષ નામનો એક યુવાન પોરબંદર ખાતે કાપડ વેચવા આવેલ હતો.

તે સમય દરમ્યાન ચોપાટી ખાતેથી પોતાનું કાપડ ભરેલ બેગ કે જેમાં આશરે રૂ.20,000 જેટલી કિંમતના લીનન કાપડ હતા, જે બેગ કોઈ અજાણ્યો રેકડીવાળો શખ્સ બેગ લઈ ફરાર થઈ ગયો હતો. જેથી આ યુવાને તુરંત પોરબંદર પોલીસનો સંપર્ક કરતા કમાન્ડ કંટ્રોલ સેન્ટરનાં હેડ અને નાયબ પોલીસ અધિક્ષક ભરત પટેલ સાહેબના માર્ગ દર્શન હેઠળ પીએસઆઇ પ્રતીક પટેલ ઉપરાંત નેત્રમ સ્ટાફ અને કમલાબાગ પોલીસ સ્ટાફ શહેરના તમામ કેમેરાઓમાં સઘન સર્વેલન્સ કરી આ ચોરી કરેલ શખ્સને 24 કલાકની અંદર જ કમલાબાગ પોલીસ દ્વારા પકડી પાડી આરોપી વિરુધ્ધ ગુનો દાખલ કરી ધોરણસર ની કાર્યવાહી કરી, આ યુવાન અરજદાર ને સામાન પરત કરાવેલ હતો.