ટેન્કરે અકસ્માત સર્જયો:બાબડા ગામ પાસે ટેન્કર સાથે બાઇક અથડાતાં યુવાનનું મોત, પોલીસે કાયદેસરની કાર્યવાહી હાથ ધરી

પોરબંદર જિલ્લાના બાબડા ગામના પાટીયાથી આગળ જતા રસ્તા પર ગઇકાલે એક ડિઝલ ટેન્કર અને મોટર સાયકલ અથડાતા મોટર સાયકલ પર સવાર યુવાનનું દુ:ખદ મોત નિપજયું હતું. આ અંગે પ્રાપ્ત વિગત અનુસાર પોરબંદર જિલ્લાના બાબડા ગામના પાટીયા પાસે ગઇકાલે સાંજના સમયે શીશલી ગામનો એક યુવાન પોતાના મોટર સાયકલ નંબર GJ-25-N-4344 પર સવાર થઇને જઇ રહ્યો હતો.

સામેથી પુર ઝડપે આવી રહેલા એક ડિઝલ ટેન્કર નંબર GJ-11-VV-0440 સાથે તેનું મોટર સાયકલ ધડાકાભેર અથડાયું હતું અને આ અકસ્માતમાં મોટર સાયકલ ચલાવી રહેલા યુવાનને ગંભીર ઇજા થતા તેનું દુ:ખદ મોત નિપજયું હતું. આ અંગે મૃતકના ભાઇએ પોલીસને જાણ કરતા પોલીસે કાયદેસરની કાર્યવાહી કરીને વધુ તપાસ બગવદર પોલીસ સ્ટેશનના PSI એચ. સી. ગોહીલે હાથ ધરી છે.