કોરોના અપડેટ:જિલ્લામાં આજે કોરોનાનો એક પણ કેસ ન નોંધાયો

પોરબંદરમાં છેલ્લા ૨૪ કલાક દરમ્યાન કરવામાં આવેલા ૫૨૭ વ્યક્તિઓના કોરોના અંગેના ટેસ્ટમાંથી સદનશીબે એકપણ વ્યક્તિનો કોરોના પોઝીટીવ કેસ નોંધાયો નથી અને હાલ ભાવસિંહજી હોસ્પીટલ ખાતે કોરોનાના એક્ટીવ દર્દીઓમાં ૨ ની સારવાર ચાલી રહી છે અને ૯ દર્દીઓના સ્ટેટસ પેન્ડીંગ છે. આમ જીલ્લામાં અત્યાર સુધીમાં કુલ ૯૮,૫૯૮ વ્યક્તિઓના કોરોના ટેસ્ટ કરવામાં આવ્યા હતા જેમાંથી કુલ ૯૬૧ દર્દીઓને કોરોના પોઝીટીવના રીપોર્ટસ સામે આવ્યો હતા.

અને આ પોઝીટીવ કેસોવાળા દર્દીઓની સારવાર બાદ તે પૈકીના કુલ ૯૫૩ દર્દીઓ સાજા થઇ જતા તે તમામને રજા આપવામાં આવી હતી. કોરોના જાહેરનામાનો ભંગ કરનારા કુંદન ભોજરાજભાઇ રામસંધાણી તેમજ મફતીયાપરામાં રહેતા મુકેશ પ્રાગજીભાઇ અગ્રાવત નામના ધંધાર્થીઓ સામે ભીડ એકઠી કરવા બદલ ગુના દાખલ કર્યો હતો.