કોરોના રસીકરણ:પોરબંદર જિલ્લામાં 2 દિવસમાં 1700થી વધુ કોરોના વોરિયર્સને રસીકરણ કરાયું

પોરબંદર જિલ્લામાં આરોગ્ય વિભાગના કર્મચારીઓ બાદ રેવન્યુ, પોલીસ, નગર પાલિકા સહિતના કોરોના વોરીયર્સને કોરોનાની રસી આપવાનો કાર્યક્રમ ચાલુ છે. ત્યારે પોરબંદર, કુતિયાણા, રાણાવાવ મળી જિલ્લામાં 2 દિવસમાં 1700થી વધુ કોરોના વોરીયર્સે રસી લીધી છે.

પોરબંદર જિલ્લામાં કોરોના સામે રક્ષણ આપતી વેકશીનનો વધુ 4000 ડોઝ આવ્યો છે અને બીજા તબક્કાની રાય આપવાની કામગીરી શરૂ કરાઇ છે ત્યારે જિલ્લા વિકાસ અધિકારી વી.કે.અડવાણી તથા જિલ્લા કલેક્ટર ડી.એન.મોદીએ કુતિયાણા ખાતે કાર્યરત વેક્સિનેશન સાઇટની મુલાકાત લઇને કામગીરીની સમીક્ષા કરી હતી. 2 દિવસમાં 1700થી વધુ કોરોના વોરિયર્સને રસી આપવામાં આવી છે.

આજે પણ રાણાવાવ અને કુતિયાણા સીએચસી ખાતે ઉપરાંત સિવિલ હોસ્પિટલ અને જિલ્લા પંચાયત ખાતે પોલીસ અને શિક્ષકોને વેક્સિન આપવાનું આયોજન કરવામાં આવ્યું છે જેમાં 1200 લોકોને વેકશીન આપવાનું આયોજન કરાયું છે.