ખાતમુહૂર્ત:મિંયાણી ગામે રૂ.70 લાખના કામોનું ધારાસભ્યના હસ્તે ખાતમુહૂર્ત કરાયું

પોરબંદર જિલ્લાના મીયાણી ગામ ખાતે આજે પોરબંદરના ધારાસભ્ય બાબુભાઇ બોખીરીયા સહિતના આગેવાનોએ ઉપસ્થિત રહીને રૂ.૭૦ લાખના વિકાસના કામોના ખાતમુહૂર્ત કર્યા હતા.

જેમાં મીયાણી બંદરથી અપ્રોચ રોડના રૂ.40 લાખ, મીયાણી ગામે મહેર સમાજના કોમ્યુનિટી હોલના રૂ.10 લાખ, મીયાણી ગામે કોળી સમાજના કમ્યુનિટી હોલના રૂ.8 લાખ, મીયાણી ગામે પેવરબ્લોકના રૂ.10 લાખ તથા મીયાણી ગામ ખાતે કમ્પાઉન્ડ વોલના રૂ.1.70 લાખ મળીને કુલ રૂ.70 લાખના વિકાસના કામોનું ખાતમુહૂર્ત કરવામાં આવ્યું હતુ. આ ખાતમુહૂર્ત કાર્યક્રમમાં ધારાસભ્ય ઉપરાંત જિલ્લા પ્રમુખ કિરીટભાઇ મોઢવાડીયા, વિરમભાઇ કારાવદરા, ખીમજીભાઇ, પ્રતાપભાઇ, ભુરાભાઇ કેશવાલા સહિતના મહાનુભવો ઉપસ્થિત રહ્યા હતા. તસવીર - રામ મોઢવાડિયા