ક્રાઇમ:રાણાવાવમાં 24 બોટલ દારૂ સાથે શખ્સ ઝડપાયો

પોરબંદર જિલ્લાના રાણાવાવ શહેરના એક રહેણાંક મકાનની અંદર ઈગ્લીંશ દારૂની ૨૪ બોટલો સંતાડનાર શખ્સને પોલીસે ઝડપી, કુલ રૂ.૧૩,૨૦૦/- નો મુદામાલ કબ્જે કર્યો હતો. પોલીસે ગુનો નોંધી વધુ આગળની કાર્યવાહી હાથ ધરી છે. આ અંગેની પોલીસમાંથી પ્રાપ્ત વિગત મુજબ, પોરબંદર જીલ્લાના રાણાવાવ શહેરના જુમા મસ્જીદ રોડ પરના સૈયદ ફળીયામાં રહેતો શબીર જુસબ પડીયાર નામના શખ્સે પોતાના રહેણાંક મકાનમાં ઈગ્લીંશ દારૂની જુદી જુદી બ્રાન્ડની કુલ ૨૪ નંગ બોટલો સંતાડી છે તેવી ચોક્કસ હકીકતના આધારે પોલીસે શબીરના મકાને દરોડો પાડતા, મકાનમાંથી રૂ.૧૩,૨૦૦/- ની કિંમતનો ઈગ્લીંશ દારૂનો જથ્થો ઝડપી પાડ્યો હતો અને ભારતીય બનાવટના ઈગ્લીંશ દારૂની જુદી જુદી બ્રાન્ડની કુલ ૨૪ નંગ બોટલો જપ્ત કરી હતી અને આરોપી શબીર સામે ગુનો નોંધી કાયદેસરની કાર્યવાહી હાથ ધરી છે.