કોરોના અપડેટ:સતત 9માં દિવસે કોરોનાનાે એક પણ કેસ નોંધાયો નહીં

પોરબંદરમાં સદનસીબે સતત નવમા દિવસે કોરોનાનો એકપણ કેસ નોંધાયો નથી.પોરબંદરમાં છેલ્લા 24 કલાકમાં 498 વ્યક્તિઓના કોરોના અંગેના ટેસ્ટ કરવામાં આવતા એકપણ દર્દીનો રિપોર્ટ કોરોના પોઝિટિવ આવ્યો નથી. આમ છેલ્લા નવ દિવસથી પોરબંદર જિલ્લામાં સદનસીબે એકપણ કોરોના પોઝિટિવ કેસ નોંધાયો નથી. છેલ્લા 24 કલાકમાં એકપણ દર્દી ડિસ્ચાર્જ થયેલ નથી.

જિલ્લાનો કોરોના દર્દીના ડિસ્ચાર્જનો આંકડો 953એ પહોંચ્યો છે. જિલ્લાનો કોરોના દર્દીનો આંકડો 961 છે. હાલ 11 કેસ એક્ટિવ છે. જ્યારે સિવિલના આઇસોલેશનમાં કોરોના પોઝિટિવ 2 દર્દી સારવાર હેઠળ છે. અત્યાર સુધીમાં 97025 કુલ ટેસ્ટ થયા છે.