મુશ્કેલી:પોરબંદર શહેરના પક્ષીઅભ્યારણ્યની દીવાલ પાસે જ ગંદકીના ગંજ ખડકાયા

પોરબંદરના પક્ષી અભયારણ્યની દીવાલ પાસેજ ગંદકીના ગંજ ખડકાઈ જતા સ્થાનિકોને ભારે હાલાકી વેઠવી પડી રહી છે. પોરબંદરના પક્ષી અભયારણ્ય ની દીવાલ પાસે જ ગંદકી જોવા મળે છે. લાંબી દીવાલ સુધી ઝાડી ઝાંખરા અને પથ્થરો ખડકાઈ ગયા છે. અને આ ઝાંખરામાં જીવજંતુ નો ઉપદ્રવ ફેલાયો છે. કચરાપેટી મુકવામાં આવી છે તે પણ તૂટેલી હાલતમાં છે અને કચરાપેટી માંથી કચરો સાફ થતો નથી. જેથી આ વિસ્તારમાં ગંદકી અને દુર્ગંધ ફેલાઈ રહી છે.

આ વિસ્તારમાં રહેણાંક મકાનો આવેલા છે. બાળકો રમતા હોય જેથી ઝેરી જનાવર કરડવાનો ભય રહે છે. વધુમાં પક્ષી અભયારણ્ય સુધીનો રોડ પણ બિસ્માર હાલતમાં છે. જેથી સ્થાનિકોને ભારે મુશ્કેલી વેઠવી પડી રહી છે. આ દીવાલ નજીક યોગ્ય સફાઈ કરી કચરાપેટી મુકવામાં આવે તેમજ રોડનું નવીનીકરણ હાથ ધરવામાં આવે તેવી માંગ ઉઠી છે.