દર્શનનું આયોજન:પોરબંદરના મહાલક્ષ્મી મંદિરે દર્શન યોજાયા, સામાજિક અંતર સાથે દર્શનનું આયોજન

પોરબંદરના મુખ્ય બજારમાં આવેલ મહાલક્ષ્મી મંદિર ખાતે ધનતેરસના દર્શન યોજાયા હતા જેમાં મંદિરના સંચાલકો તરફથી સામાજિક અંતર જળવાય રહે તેવી વ્યવસ્થા ઉપરાંત સેનેટાઈઝરની સુવિધા અને ભાઈઓ બહેનો માટે અલગ લાઈન તેમજ આવવા જવા માટે પણ અલગ વ્યવસ્થા રાખવામાં આવી હતી. ધનતેરસના દિવસે લક્ષ્મીજીના દર્શન કરવા માટે સવારથી જ ભાવિકોની કતાર લાગી હતી. ભાવિકોએ દર્શન કરી ધન્યતા અનુભવી હતી. આ તકે પોલીસ બંદોબસ્ત પણ રાખવામાં આવ્યો હતો.