ઠગાઇ:વિસાવાડના શખ્સે ખોટા દસ્તાવેજો સરકારી કચેરીમાં રજૂ કર્યાની ફરિયાદ

પોરબંદર જીલ્લાના વિસાવાડા ગામના એક શખ્સે ખેતીની જમીનના દસ્તાવેજોમાં વારસદાર હોવા છતાં તેની હકીકતને છૂપાવીને સરકારી કચેરીમાં દસ્તાવેજોને ખરા તરીકે રજૂ કરી ઠગાઇ કર્યાનો બનાવ સામે આવ્યો છે.

પ્રાપ્ત વિગત મુજબ, વિસાવાડા ગામના જીવાભાઇ રામભાઇ મોઢવાડીયા નામના શખ્સે ખાનગી માલીકીના ખેડ ખાતા નં.-૩૯ સ.નં.-૧૪૨/૧ પૈકી ૧, સ.નં.૪૪૮/૨ ,૬૬૩ પૈકી ૧, ૭૦૮/૩ પૈકી ૧ તથા ૭૩૧/૪૫ પી ૧ વાળી જમીન મેર રામભાઇ સાંમતભાઇ વિગેરેના નામે આવેલ ખેતીની જમીનમાં વારસાઇ નોંધમાં વારસદાર હોવા છતા જીવાભાઇ રામભાઇ મોઢવાડીયા નામના શખ્સે વારસદાર તરીકે નામ દાખલ ન કરી વારસદારો અંગેની હકીકત છુપાવી ખોટા આધાર પુરાવાઓ, ખોટુ સોગંધનામુ, ખોટુ રોજકામ તથા ખોટો વારસાઇ આંબો મહેસુલી કચેરી તથા મામલતદાર કચેરી પોરબંદરના ઇ-ધારા કેન્દ્ર સમક્ષ રજુ કરતા પોરબંદરની ગ્રામ્ય મામલતદાર કચેરી ખાતે સર્કલ ઓફિસર તરીકેની ફરજ બજાવતા હિતેશભાઇ વિજયભાઇ પિપરોતરે જીવાભાઇ મોઢવાડીયા સામે ફરીયાદ નોંધાવી છે. જેથી પોલીસે કાયદેસરની કાર્યવાહી હાથ ધરી છે.