વિવાદ:માધવપુરની પરિણીતાની સાસરિયા વિરૂદ્ધ ફરિયાદ

માધવપુર ગામના એક પરિણીતાએ પતિ સહિતના સાસરીયાઓ સામે વધુ દહેજની માંગણી કરીને શારીરિક-માનસિક દુ:ખત્રાસ આપ્યાની ફરીયાદ કરી છે. માધવપુર ઘેડ ગામે પોતાના માવતરના ઘરે રહેતા એક પરિણીતાએ પોલીસ ફરીયાદ કરી જણાવ્યું હતુ કે, તાલાલા તાલુકાના ગુંદરણ ગામે રહેતા તેણીના પતિ-વિમલ નારણભાઇ ચાવડા, સાસુ-શાંતાબેન નારણભાઇ ચાવડા, જેઠ-હર્ષદ નારણ ચાવડા, જેઠાણી-ભાવિકાબેન હર્ષદ, નણંદ-સીમાબેન હિતેશ જેઠવા, નણંદોયા-હિતેશ મોહન જેઠવા તથા ગીતાબેન દિપક દેવળીયા નામના સાસરીયાઓએ ફરીયાદી બહેનને લગ્નજીવન દરમ્યાન અવાર-નવાર મેણાંટોણાં મારી, ગાળો બોલીને વધુ દહેજની માંગણીઓ કરતા હતા અને જાનથી મારી નાખવાની ધમકીઓ આપ્યાની ફરિયાદ નોંધાવી છે.