હાલાકી:બંદર રોડ પર બોટના કચરાનો ઢગલો ખડકી દેવાયો

પોરબંદરના સુભાસનગર બંદર જતા રોડ પર બોટ અને કોલ્ડરૂમના બોટનો કચરાનો ઢગલો ખડકી દેવામાં આવે છે અને રાત્રીના સમયે આ કચરાના નાશ માટે આગ ચાંપી દેવામાં આવે છે. આ વિસ્તારમાં બોટ ઉપરાંત ગેરેજ અને માછલીની જાર માટેના ઓજારો બનાવવા માટેના દંગા તેમજ લાકડાની કેબીન પણ આવેલી છે.

આ વિસ્તાર જેટીમાં ફાયર બ્રિગેડની સુવિધા નથી. જો બોટના કચરાના ઢગલામાં આગ ફાટી નીકળે તો મોટી માલહાની અને જાનહાની થવાની શકયતા છે જેથી કોલ્ડરૂમનો બોટનો કચરો નિકાલ માટેની અલગ વ્યવસ્થા ઉભી કરવામાં આવે તેવી માંગ ઉઠી છે.