કાર્યવાહી:કેદીને માસ્ક પહેરવાનું કહેતા કર્મી પર હુમલો

પોરબંદરના નિખીલભાઇ ઘેલાભાઇ વાઘ નામના યુવાને ફરીયાદ કરી જણાવ્યુ છે કે, પોરબંદરના એડી.જ્યુડી.મેજી.સાહેબની કોર્ટમાં આરોપી કાના હરસુખ વદર નામના કેદીને પોરબંદરના લોકરક્ષક નરેન્દ્રભાઇ લઇને આવ્યા ત્યારે લોકરક્ષક નરેન્દ્રભાઇએ કેદીને મોઢા ઉપર માસ્ક વ્યવસ્થિત પહેરવાનું કહેતા કેદી ઉશ્કેરાઇ ગયો હતો.

ઉશ્કેરાતમાં આ કેદી ગાળાગાળી કરવા લાગ્યો હતો, જેથી નિખીલભાઇએ કેદીને કોર્ટ કમ્પાઉન્ડમાં ગાળો બોલવાની ના કહેતા કેદી વધુ ઉશ્કેરાઇને નિખીલભાઇનો કાઠલો પકડી ઝપાઝપી અને મારામારી કરવા લાગ્યો હતો અને ફરીયાદી યુવાનને જ્ઞાતિ પ્રત્યે અપમાનિત કરી જાનથી મારી નાખવાની ધમકીઓ આપવા લાગ્યો હતો, જે બાબતે ફરીયાદ કરાતા પોલીસે આરોપી એવા કેદી કાના હરસુખ વદર સામે ગુનો નોંધી કાર્યવાહી કરી હતી.