કાર્યવાહી:ઘરફોડ ચોરી સહિતના ગુનામાં 28 વર્ષથી વોન્ટેડ શખ્સ ઝડપાયો

28 વર્ષથી વોન્ટેડ શખ્સને પોલીસે ઝડપી લીધો હતો. કોર્ટની મુદતમાં હાજર નહિ રહી વોન્ટેડ શખ્સ રહેઠાણ બદલતો હતો જ્યારે અન્ય કેસમાં છેલ્લા 11 વર્ષથી ઘરફોડ ચોરીના ગુન્હામાં વોન્ટેડ શખ્સને એલસીબીએ ઝડપી લીધો.

પોરબંદરમાં આગામી પાલીકા ચુંટણી અનુસંધાને નાસતા ફરતા આરોપીઓને પકડાય જેથી કાયદો અને વ્યવસ્થા સુચારૂ જળવાઇ જે બાબતે કીર્તિમંદિર પોલીસ સ્ટેશનનાં પીઆઇ એચ.એલ.આહિરની સુચના મુજબ કીર્તિમંદિર પો.સ્ટે માં નોંધાયેલ આર્મ્સ એક્ટ મે ચીફ જ્યુડીશ્યલ મેજી.ની કોર્ટના ફો.કે.નં.243 મુજબના કામેના આરોપી મુકેશ ઉર્ફે ભુરી વીંજાભાઈ ટોડરમલ રહે. રામદેવપીરના મંદિર પાસે બદામના ડાયરા પાસે ખારવાવાડ પોરબંદરવાળો છેલ્લા 28 વર્ષ મુદતમાં હાજર નહીં રહી અને પોતાની પકડથી બચવા પોરબંદર થી દમણ, વાપી, વળાંકબારા અલગ અલગ જગ્યાએ રહેણાંક બદલતો હોય જેથી આરોપી વિરુધ્ધ સી આર.પી.સી.ક.82 મુજબનું જાહેરનામું પ્રસિધ્ધ કરતા આરોપીઓને શોધી કાઢવાની કામગીરી હાથ ધરવામાં આવતા ખાનગી રાહે બાતમી મેળવી આ શખ્સને તેના ઘર પાસેથી પકડી ચીફ જ્યુડી. મેજી. કોર્ટમાં રજુ કરેલ છે.

જ્યારે અન્ય એક કેસમાં એલસીબી પીઆઇ એન.એન.રબારી ના માર્ગદર્શન હેઠળ પીએસઆઇ ગઢવી તથા ટીમ દ્રારા ટેકનિકલ રીસોર્સ અને હ્યુમન ઇન્ટેલીજન્સ દ્રારા જાણવા મળેલ કે, રાણાવાવ પો.સ્ટે. માં નોંધાયેલ ઘરફોડ ચોરીના ગુન્હાનો છેલ્લા 11 વર્ષથી ગેઝેટ પ્રસિધ્ધ વોન્ટેડ આરોપી આરમ પુનસિંહ બામનીયા રહે. છોટી ઉતીગામ, તા.જોબટ જી.અલીરાજપુર વાળો અમરેલી જિલ્લાના દડવા ગામ ખાતે મજુરી કામ કરે છે જે હકિકત આધારે ટીમ દ્રારા આ આરોપીને પકડી પૂછપરછ અર્થે પોરબંદર એલ.સી.બી. ઓફીસ લાવી ઉંડાણપુર્વક પૂછપરછ કરી હતી.