હેરિટેજ ટ્રેજર હંટનું આયોજન:પોરબંદરમાં હેરિટેજ ઇમારતો અંગે જાગૃતતા લાવવા અનોખો કાર્યક્રમ યોજાયો; રોટરી ક્લબ ઓફ પોરબંદર દ્વારા આયોજન

પોરબંદર15 દિવસ પહેલા
  • કૉપી લિંક

દીપ પ્રાગટ્ય પછી જીએમસી ઈન્ટરનેશનલ સ્કૂલના વિદ્યાર્થીઓ હેત્વી દત્તાણી, દિપાલી ચૌહાણ અને જિયા ફાતિમા ડાન્સ પર્ફોર્મન્સ સાથે ઈવેન્ટની શરૂઆત થઈ હતી. ત્યારબાદ રોટરી ક્લબના પ્રમુખ પૂર્ણેશ જૈન દ્વારા તમામ પ્રતિયોગીઓને આયોજનના નિયમોથી અવગત કરવામાં આવ્યા હતા. પ્રતિષ્ઠિત મહેમાનો અને રોટરી ક્લબ, રોટરેક્ટ ક્લબ અને ઈન્ટેકના સભ્યોની હાજરીમાં પ્રતિયોગીઓને ફ્લેગ ઓફ કરવામાં આવ્યું હતું. પોરબંદરના ઇતિહાસને એક અનોખી રીતે ઉજાકર કરવાના આ પ્રસંગને સૌએ વખાણ્યો હતો અને આવા અદ્ભુત કોન્સેપ્ટમાં ભાગ લેવાનો સૌને આનંદ માણ્યો હતો.

રોટરી ક્લબ ઓફ પોરબંદર હંમેશા હેરિટેજ જાગૃતિ અને સંસ્કૃતિને પ્રોત્સાહન આપે છે. આ વિઝન હેઠળ રોટરી ક્લબ ઓફ પોરબંદર દ્વારા રોટરેક્ટ ક્લબ ઓફ પોરબંદર સ્પાર્કલિંગ યુથ અને INTACHના સહયોગથી એક અભૂતપૂર્વ ગ્રાન્ડ હેરિટેજ ટ્રેઝર હન્ટ ઈવેન્ટનું આયોજન કરવામાં આવ્યું હતું. પોરબંદરના હેરિટેજ વિશે રમૂજી રીતે જાગૃતિ લાવવા માટે આ ઈવેન્ટનું આયોજન કરવામાં આવ્યું હતું. આ ઇવેન્ટને અદ્ભુત પ્રતિસાદ મળ્યો અને લગભગ 55+ ટીમોએ આ અનોખી ઇવેન્ટમાં ભાગ લીધો હતો. આ રેસ અંતર્ગત ટીમોને પોરબંદરના હેરિટેજ સ્થળો પર આધારિત 8 કડીઓ(ક્લુજ) સાથેની શીટ આપવામાં આવી હતી.

ટીમોએ આપેલ કડીઓને ઉકેલ કરીને યોગ્ય હેરિટેજ સ્થાન શોધવાનું હતું. તેઓએ આ હેરિટેજ સ્થળ પર પહોંચીને તેમને પ્રદાન કરેલી ઇવેન્ટ ફ્લેગ સાથે સેલ્ફી પણ ક્લિક કરવાની હતી. ઇવેન્ટને નટવરસિંહજી ક્લબથી ફ્લેગ કરવામાં આવી હતી અને ટીમોએ આપેલા 8 હેરિટેજ સ્થળ શોધ્યા પછી તે જ સ્થળે પાછા પહોંચવાનું હતું. તમામ કેટેગરીમાં ટોચના ત્રણ ફિનિશર્સને હેરિટેજ જગ્યા ઉપર લીધેલી સેલ્ફી સાથે ઉકેલવામાં આવેલા મહત્તમ યોગ્ય જગ્યાઓ અને ઓછામાં ઓછા સમયના આધારે પુરસ્કાર આપવામાં આવ્યો હતો.

આયોજકો દ્વારા સેલ્ફી પોઈન્ટ, સંગીત, નાસ્તા અને ઈનામોની અદ્ભુત વ્યવસ્થા કરવામાં આવી હતી. વિજેતાઓને ગીઝર, મિક્સર ગ્રાઇન્ડર, સ્માર્ટ ઘડિયાળો, એરપોડ્સ, સૂટકેસ અને ટ્રાવેલિંગ બેગ વગેરે જેવા અદ્ભુત ઈનામોથી સન્માનિત કરવામાં આવ્યા હતા. તમામ સહભાગીઓને સહભાગીતા પ્રમાણપત્રો પણ આપવામાં આવ્યા હતા. આ આયોજન ને શીર્ષક પ્રાયોજક INTACH, ટીશર્ટ સ્પોન્સર 24 કેરેટ, ફૂડ સ્પોન્સર શિવા બેકર્સ,ડિઝાઇન પાર્ટનર 2921 ડિઝાઇન સ્ટુડિયો અને જીએમસી ઇન્ટરનેશનલ સ્કૂલ સહિત અન્ય પ્રાયોજકો દ્વારા પણ સમર્થન આપવામાં આવ્યું હતું.

રોટરી સભ્યોએ પણ રૂ.12500નું અનુદાન વિજેતા માટે ગિફ્ટ અને ઇવેન્ટના પ્રિન્ટીંગ કામ માટે સહયોગ તરીકે આપેલો હતો. આ કાર્યક્રમ દરમિયાન રોટરી ક્લબ ઓફ પોરબંદર, ઇન્ટેક અને રોટરેક્ટ ક્લબના સભ્યો સિવાય ઘણા પ્રતિષ્ઠિત મહેમાનો પણ હાજર રહ્યા હતા. કાર્યક્રમના અંતે રોટરીના પ્રમુખ RTN પૂર્ણેશ જૈને સૌનો આભાર માન્યો હતો અને પ્રોજેક્ટને ભવ્ય રીતે સફળ બનાવવા માટે સૌની અદભૂત ભાગીદારી બદલ આભાર વ્યક્ત કર્યો હતો.

અન્ય સમાચારો પણ છે...