મુદ્દામાલ જપ્ત:રાણાવાવમાં વરલી મટકાનાે જુગાર રમતો શખ્સ ઝડપાયો

પોરબંદરના રાણાવાવ શહેરમાંથી પોલીસે વરલી-મટકાંના આંક પર જુગાર રમતા શખ્સને ઝડપી પાડ્યો હતો અને મોબાઇલ ફોનમાં કપાત કરાવનાર શખ્સ સામે પણ ગુનો નોંધી કાર્યવાહી કરી હતી. રાણાવાવમાં સરકારી હાઇસ્કૂલ પાસે રહેતો નહીમ હારૂન પીરઝાદા નામના શખ્સને પોલીસે રાણાવાવ નગરપાલિકા પાછળની ગલીમાં જાહેરમાં મોબાઇલ ફોન મારફત વરલી-મટકાંના આંકડાઓ ઉપર જુગાર રમતો રંગેહાથ ઝડપી પાડ્યો હતો.

અને સામે છેડે મોબાઇલ ફોન મારફત આંકડાઓની કપાત કરાવતો ફાઝીલ અનાન મુલા સામે પણ ગુનો નોંધી તેની શોધખોળની કામગીરી હાથ ધરી છે તેમજ સ્થળ પરથી આંકડા લખેલી ચીઠ્ઠીઓ, મોબાઇલ ફોન, રોકડ રકમ સહિત કુલ રૂ.૧૪,૫૩૦નો મુદામાલ જપ્ત કર્યો હતો.