કોરોના બેકાબૂ:પોરબંદર જિલ્લામાં 480 ટેસ્ટ કરાયા, પોઝિટીવ એક પણ કેસ નહીં

પોરબંદર જીલ્લામાં છેલ્લા ૨૪ કલાકમાં દરમ્યાન એકપણ કોરોના પોઝીટીવ કેસ ન નોંધાતા આરોગ્ય તંત્રએ અને પોરબંદરવાસીઓએ મહદઅંશે રાહતનો શ્વાસ લીધો હતો. ગઇકાલે કુલ ૪૮૦ વ્યક્તિઓના કોરોના ટેસ્ટ કરવામાં આવ્યા હતા પરંતુ તેમાંથી એકપણ કોરોના પોઝીટીવ ન આવતા પોરબંદરમાં મહદઅંશે રાહતની લાગણી પ્રસરી હતી. જોકે અત્યાર સુધીમાં જીલ્લામાં કુલ કોરોના પોઝીટીવ કેસ ૮૭૨ નોંધાઇ ચૂક્યા છે અને સમગ્ર જીલ્લામાં અત્યાર સુધીમાં કોરોનાના કારણે મરણ જનાર દર્દીઓની કુલ સંખ્યા ૮૭ નોંધાઇ છે. આમછતાં કોરોના મહામારી પ્રત્યે દરેક પોરબંદરવાસીઓએ સમજદારી અને સાવચેતી રાખવી એ જ પોતાના હીતમાં છે. સોરઠમાં શુક્રવારે વધુ 36 ને કોરોના પોઝિટીવ આવ્યો છે જ્યારે 27 દર્દી સ્વસ્થ થતા તેને ડિસ્ચાર્જ કરાયા છે. શુક્રવારે જૂનાગઢ જિલ્લામાં 28 ને કોરોના આવ્યો છે. 18 દર્દી સ્વસ્થ થતા તેને ડિસ્ચાર્જ થયા છે.