ક્રાઇમ:પોરબંદરના પાંચ સ્થળેથી 36 લિટર દેશી દારૂ જપ્ત

પોરબંદર જિલ્લાના અલગ અલગ 5 સ્થળો પરથી પોલીસે કુલ 36 લીટર જેટલો દેશીદારૂનો જથ્થો જપ્ત કરી, 2 મહિલા સહિત કુલ 6 આરોપીઓ સામે કાયદેસરની કાર્યવાહી કરી હતી. પોરબંદર શહેરના હુસેનશા રહેમાનશા ફકીર નામના શખ્સને 15 લીટર દેશીદારૂના જથ્થા સાથે ઝડપી પાડ્યો હતો અને પૂછપરછ દરમ્યાન આ દારૂનો જથ્થો યુસુફ ઉર્ફે ટારઝન વાહિદ ગરાણા પાસેથી વેચાતો લીધાની કબૂલાત આપતા પોલીસે યુસુફ ઉર્ફે ટારઝન સામે પણ ગુનો નોંધી તેને ઝડપી લેવાના ચક્રો ગતીમાન કર્યા છે.

તો બીજી તરફ જશુબેન વેલજી વાઘેલા નામની મહિલા પાસેથી 13 લીટર દેશીદારૂનો જથ્થો જપ્ત કર્યો હતો, તેમજ રાણાકંડોરણા ગામેથી રાજુ કેશુ આગઠના કબ્જામાંથી 3 લીટર દેશીદારૂ જપ્ત કરાયો હતો, માધવપુર ગામેથી ગોવિંદ દેવા માવદીયાના કબ્જામાંથી 3 લીટર દેશીદારૂ જપ્ત કરાયો હતો, આ ઉપરાંત સુભાષનગર વિસ્તારમાંથી લીલુબેન કાનજી કાણકીયાના મકાનેથી ૨ લીટર દેશીદારૂનો જથ્થો જપ્ત કર્યો હતો.