કોરોના અપડેટ:પોરબંદર જિલ્લામાં બુધવારે વધુ 3 દર્દી કોરોના પોઝિટીવ

પોરબંદરમાં 24 કલાકમાં વધુ 3 દર્દીના રિપોર્ટ કોરોના પોઝિટિવ આવ્યા છે જ્યારે 3 દર્દી ડિસ્ચાર્જ થયા છે અને 1 દર્દીનું મોત થયું છે.જિલ્લામાં 24 કલાકમાં 519 વ્યક્તિઓના કોરોના અંગેના ટેસ્ટ કરવામાં આવતા 3 દર્દીના રિપોર્ટ કોરોના પોઝિટિવ આવ્યા છે.

જેમાં પોરબંદરના જ્યુબિલી માંથી 33 વર્ષીય યુવાન, રાણાવાવ માંથી 70 વર્ષીય વૃદ્ધ અને ભોદ ગામ માંથી 81 વર્ષીય વૃદ્ધનો સમાવેશ થાય છે. આમ જિલ્લાનો કોરોના દર્દીનો આંકડો 937એ પહોંચ્યો છે. વધુ 3 દર્દીને ડિસ્ચાર્જ કરવામાં આવતા જિલ્લાનો કોરોના દર્દીનો ડિસ્ચાર્જ આંકડો 894એ પહોંચ્યો છે.