કાર્યવાહી:જુદા- જુદા ગુના સબબ ફરાર 3 શખ્સ ઝડપાયા

રાણાવાવ પોલીસ મથકે નોંધાયેલ ગુન્હાના વોન્ટેડ 3 આરોપીને એલસીબીએ ઝડપી લીધા હતા.રાજ્યમાં નાસતા ફરતા આરોપીઓને પકડવા ખાસ ડ્રાઇવનું આયોજન કરેલ હોય જે અનુસંધાને એલસીબી પીઆઇ એન.એન.રબારીના માર્ગદર્શન હેઠળ એલસીબી સ્ટાફ રાણાવાવ વિસ્તારમા પેટ્રોલીંગમા હતા.

તે દરમ્યાન બાતમીના આધારે રાણાવાવ પોલીસ મથકે નોંધાયેલ ગુન્હાનો લાલશાહીથી વોન્ટેડ આરોપી મહેશ ઉર્ફે મસરી મેરૂ ભુતીયા રહે, મેરવદર, પ્રાસલા રોડ ઉપર,તા.ઉપલેટા અને જયેશ નાગા ઓડેદરા રહે, મુળગામ મોડદરગામ, તા.કુતિયાણા તેમજ લાલશાહીથી નાસતો ફરતો આરોપી લાખા કારાભાઇ મોરી રહે, ધ્રામણીનેસ, બરડાડુંગર તા.ભાણવડ વાળાઓને પકડી પાડી કાર્યવાહી કરી છે.