કાર્યવાહી:પોરબંદરમાં 3 સ્થળેથી 16 લિટર દેશી દારૂ જપ્ત, મહિલા સહિત કુલ 4 શખ્સો સામે કાર્યવાહી

પોરબંદર શહેરના ખારવાવાડ વિસ્તારમાં રહેતો વિશાલ ઉર્ફે લાલુ કિશોર પાંજરી પોતાના કબ્જામાં દેશીદારૂની ૧-૧ લીટરવાળી 3 નંગ કોથળીઓ સાથે રાખીને નીકળતા પોલીસે વિશાલ ઉર્ફે લાલુને ઝડપી લીધો હતો.આ શખ્સહની પૂછપરછ કરતા આ દારૂ કિશન ગોરધન મકવાણા પાસેથી લીધાની કબૂલાત આપતા પોલીસે કિશન સામે પણ ગુનો નોંધી તેને ઝડપી લેવાની કાર્યવાહી આરંભી છે,

તો બીજી તરફ જીલ્લાના રાણાવાવ શહેરના સ્ટેશન પ્લોટ વિસ્તારમાં રહેતી દક્ષાબેન નાગજી વાલાણી નામની મહિલાના કબ્જામાંથી પોલીસે દેશીદારૂની ૧-૧ લીટરવાળી ૫ નંગ કોથળીઓ જપ્ત કરી ગુનો નોંધ્યો હતો, તેમજ જિલ્લાના રાણારોજીવાડા ગામના વાડી વિસ્તારમાં રહેતો જયેશ ઉર્ફે જેહો રાજા સોલંકીના કબ્જામાંથી પોલીસે 8 લીટર દેશીદારૂનો જથ્થો જપ્ત કરી, ગુનો નોંધી કાયદેસરની કાર્યવાહી કરી હતી.