વિવાદ:રાધનપુરના ઇન્દ્રનગરના યુવાનને મહેમદાવાદના બે શખ્સોની ધમકી

રાધનપુરના ઈન્દ્રનગરના યુવાનને મહેમદાવાદના બે શખ્સો દેશી બનાવટની બંદુક બતાવી ધમકી આપતાં ફરિયાદ નોંધાઈ છે. બે શખ્સો ખેતરમાં હોલા અને કબૂતરનો શિકાર કરતા હોઈ ના પાડતાં બંને શખ્સો ઉશ્કેરાઈ ગયા હતા અને માર માર્યો હતો. રાધનપુર તાલુકાના ઇન્દ્રનગરના રાઉમા સદીક્ભાઇ રમઝુભાઈ સોમવારે સવારે તેમના ખેતરમાં આંટો મારવા ગયા હતા ત્યારે મહેમદાવાદ ગામના રાઉમા અબ્બાસભાઈ અને રાઉમા ઈરફાનભાઈ હાથની બનાવટની બંદૂક લઈને હોલા અને કબૂતરનો શિકાર કરતા હોઈ તેમને અહીંયા ચારેબાજુ માણસો રહે છે

તમે અહીંયા શિકારના કરો તેમ કહેતા બંને જણ ઉશ્કેરાઇ ગયેલ અને સદીક્ભાઇને તારા બાપનું કયા છે. એમ કહીને ગાળો બોલીને બંદૂક લઈને મારવા ગયા હતા. જેથી સાદીક્ભાઇ રાઉમાએ બંને વિરુદ્ધ પોલીસ સ્ટેશનમા લેખિતમાં ફરિયાદ કરી હતી.