રાહત:રાધનપુરમાં ગાયત્રી મંદિર સામેના ખાડા પુરાયા

રાધનપુરમાં ગાયત્રી મંદિર આગળ ગટરના ગંદા પાણી અને મોટા ખાડાના કારણે વાહનચાલકો ભારે હાલાકી ભોગવી રહ્યા હોવાના સમાચારો આ અખબારમાં પ્રસિદ્ધ થતાં શનિવારે પાલિકા પ્રમુખ મહેશભાઈ અદા, ઉપપ્રમુખ કાનજીભાઈ પરમાર, સેનેટરી ઇન્સ્પેક્ટર હિતેષભાઇ ચૌધરી,હિતેષભાઇ પટેલ સહીતની ઉપસ્થિતિમાં માર્ગ અને મકાન વિભાગના સહયોગથી રોડ ઉપર પડેલા ખાડા પૂરીને રોડ સમતળ કર્યો હતો. ઉપરાંત ગટરના પાણીના નિકાલ માટે 15 દિવસમાં હાઈવેની કામગીરી પુરજોશમાં ચાલી રહી હોઈ નવીન ગટર બનાવનાર હોવાનું પાલિકાના ઉપપ્રમુખે જણાવ્યું હતું.