શકુનીઓ ઝડપાયા:રાધનપુર નજીક બાવળોની ઝાડીમાં જુગાર રમતા પાંચ શકુનીઓને પોલીસે બાતમીના આધારે ઝડપી પાડ્યા

રાધનપુર નજીક બાવળોની ઝાડીમાં જુગાર રમતા પાંચ શકુનીઓને પોલીસે બાતનીના આધારે રેડ પાડીને રોકડ 11 હજાર રૂપિયાના મુદ્દામાલ સાથે ઝડપાયા હતા. આ અંગે રાધનપુર પોલીસ મથકે પાંચ શકુનીઓ સામે જુગાર ધારા મુજબ ગુનો નોંધાયો હતો.

રાધનપુર તાલુકાના રાપરીયા ધોળીડેરી ગામડીની પાછળ આવેલ બાવળોની ઝાડીમા હાર જીતનો જુગાર રમાતો હોવાની બાતમી આધારે રાધનપુર પોલીસે રવિવારે બપોરે રેડ કરી હતી. ત્યારે રેડ દરમ્યાન જુગાર રમતા પાંચ શકુનીઓ રોકડ 11 હજારના મુદ્દામાલ સાથે ઝડપ્યા હતા.

રાધનપુર પોલીસ મથકે રાણાભાઇ શકતાભાઇ ભરવાડ (રહે.રાધનપુરય0, ધારસિભાઇ હરીભાઇ ઠાકોર (રહે.નવા શબ્દલપુરા), અરજણભાઇ માવજીભાઇ ઠાકોર (રહે.નજુપુર), માવાભાઇ મોતીભાઇ પારકરા ઠાકોર અને ગાંડાભાઇ પુનાભાઇ પારકરા ઠાકોર (રહે.રાધનપુર) સામે ફરિયાદ નોંધાઇ હતી.