અકસ્માત:રાધનપુરના નાનાપુરા પાસેે ડમ્પરની ટક્કરે ચાર ભેંસ અને એક પાડાને ઈજા

રાધનપુર તાલુકાના નાનાપુરા ગામે ધરવડી રોડ ઉપર બુધવારે બપોરે દોઢેક વાગ્યાના સુમારે પુરઝડપે આવી રહેલા ડમ્પરની જોરદાર ટક્કર વાગતાં ચાર ભેંસો અને એક પાડાને ઈજાઓ પહોંચી હતી. એક ભેંસને તો એવી જોરદાર ટક્કર વાગી હતી કે ચોકડીઓમાં જઈ પડી હતી.

નાનાપુરા ગામના મગનભાઈ અરજણભાઈની ભેંસો અને પાડો હોવાનું જાણવા મળ્યું હતું. ડમ્પરનો ચાલક અકસ્માત સર્જી ફરાર થઈ ગયો હતો. ભેંસોને ગળાના તેમજ અન્ય ભાગે ઈજાઓ થતાં લોહી વહેવા લાગ્યું હતું. અકસ્માતની જાણ થતાં નજીકના ખેતરોમાંથી લોકો દોડી આવ્યા હતા. જ્યાં ડમ્પર ચાલક ફરાર થઈ ગયો હતો.