વિવાદ:ઝંડાલાની યુવતીને નિકાહ કરવાની ધમકી આપી ગોખાંતરના યુવાને ઈજ્જત લેવાની કોશિશ કરી

સાંતલપુર તાલુકાના ઝંડાલા ગામે રહેતી યુવતીને ગોખાતર ગામના કૌટુંબિક ફોઇના દિકરાઅે ઘરે અાવીને તેની સાથે નિકાહ કરવા દબાણ કર્યું હતું અને જો નિકાહ નહી કરેતો તેની ઇજજત લેવાની ધમકી અાપી હોવાની વારાહી પોલીસ મથકે ગોખાતરના યુવાન સામે ફરિયાદ નોંધાવી હતી. સાંતલપુર તાલુકાના ઝંડાલા ગામે રહેતી 27 વર્ષીય યુવતીની નાની બહેનની સાસરી ગોખાતર ગામે થતી હોઈ તેની બાજુમાં રહેતો તેના કૌટુબીક ફોઇનો દિકરો સુવાદખાન નાથાજી મલેક અવાર નવાર ઝંડાળા ગામે તેણીના ઘરે અાવતો હતો.

જે તારીખ 26/11/2020 નારોજ બપોરે ઝંડાલા ગામે અાવ્યો હતો અને યુવતીના ઘરે જઈ તારે મારી સાથે નિકાહ કરવા છે. કે નહી તેમ કહી શારિરીક અડપલાં કરી ગાળો બોલવા લાગ્યો હતો. યુવતીએ બુમો પાડતાં નજીકમાંથી તેની બહેન અને માતા દોડી અાવ્યા હતા. જ્યાં સુવાદખાનને ત્યાંથી ધક્કો મારીને કાઢી મુક્યો હતો. જ્યાં તે જતા જતા જો તુ મારી સાથે નિકાહ નહી કરે તો ઇજજત લીધા વગર તને છોડીશ નહી તેવી ધાક ધમકી અાપતાં યુવતીએ વારાહી પોલીસ મથકે ફરિયાદ નોંધાવી હતી. ગોખાંતરનો યુવાન યુવતીનો કૌટુબિક ફોઈનો દિકરો થાય છે અને તેણીની નાની બહેનની સાસરી ઝંડાલા ગામે રહેતો હોઈ પરિચયમાં આવતા તે અવાર નવાર ગોખાંતર આવતો હતો અને ધમકી આપતો હતો.