ચૂંટણી:જિલ્લા પંચાયતના 3 સદસ્યોની પત્ની,ગત ચૂંટણીમાં હારેલા 3ને ફરીથી ટિકિટ

પાટણ જિલ્લા પંચાયતની ચૂંટણીમાં ભાજપની જેમ કોંગ્રેસમાં પણ ઠાકોર સમાજનું પ્રભુત્વ રહ્યું છે. ભાજપે ઠાકોર સમાજના 14 તો કોંગ્રેસે 15 ઉમેદવારો ચૂંટણી મેદાનમાં ઉતાર્યા છે.કોંગ્રેસે જિલ્લા પંચાયતના 3 સદસ્યોની પત્નીને ટિકિટ આપી રિપીટ કર્યા છે. બાકીના 11 સદસ્યોના પત્તા કાપ્યા છે. બળવો ન થાય તે માટે કોંગ્રેસે ઉમેદવારોને ઈશારો કરી ફોર્મ ભરાવી દીધા હતા છેલ્લી ઘડી સુધી ઉમેદવારો જાહેર કર્યા ન હતા.ઉમેદવારી ફોર્મ ભરવાનો સમય પૂર્ણ થયા બાદ યાદી જાહેર કરી હતી.

સાપ્રા નાયતા અને મેમદાવાદ બેઠક પર કોંગ્રેસે જિલ્લા પંચાયતના ત્રણ સદસ્યોની પત્નીઓને ટિકિટ આપી રિપીટ કર્યા છે. કોંગ્રેસે જિલ્લા પંચાયતના સદસ્ય વર્ષાબેન અમીન, જોઈતીબેન ઠાકોર, કૈલાસબેન ચૌધરી, રફિકભાઈ મોમીન, પશીબેન ઠાકોર, જોહરાબેન સુણસરા, અમૃતલાલ પટેલ, જેતલબેન દેસાઈ, બાબુજી ઠાકોર, હેમાંબેન ચૌધરી, દશરથભાઈ ભીલને રીપીટ કર્યા નથી. દુદખા બેઠક પર હીરાબેન કરસનજી ઠાકોરને કોંગ્રેસે ટિકિટ આપી છે ગત ચૂંટણીમાં તેમના પતિ કરસનજી ઠાકોરને ટિકિટ આપી હતી પરંતુ તેઓ ગોચનાદ બેઠક પર ચૂંટણી હારી ગયા હતા તે જ રીતે સાંતલપુર બેઠક પર ભચાભાઇ આહિરને ટિકિટ આપી છે.

જો કે, ગત ચૂંટણીમાં પણ તેમને ટિકિટ મળી હતી પરંતુ તેઓ ચૂંટણી હારી ગયા હતા ફરીથી રિપિટ થયા છે. રોડા બેઠક પર મંગુબેન અનારજી ઠાકોરને ટિકિટ મળી છે.ગત ચૂંટણીમાં તેમના પતિ અનારજી ઠાકોરને ટિકિટ મળી હતી પરંતુ તેઓ ચૂંટણી હારી ગયા હતા. વારાહી બેઠક પર રાજીબેનહરદાસ ભાઈ આયરને ટિકિટ આપી છે. હરદાસભાઇ આહીર હાલમાં રાધનપુર નગરપાલિકા ટાઉન પ્લાનિંગ કમિટીના ચેરમેન છે અને તેમની પત્નીને જીલ્લા પંચાયતની ચૂંટણી લડવા માટે કોંગ્રેસે ટિકિટ આપી છે. નેદરા બેઠક પર જિલ્લા પંચાયતના પૂર્વ પ્રમુખ અભેસિંહ ઠાકોરના પત્ની મશરૂબેનને ટિકિટ આપી છે.

જ્ઞાતિવાદી સમીકરણ

આમને ટિકિટ મળી