રજૂઆત:કમલીવાડા બસ સ્ટેશન નજીક અકસ્માત વધતાં બમ્પ બનાવવા ગ્રામજનોની માંગ

પાટણ તાલુકાના કમલીવાડા ગામમાં બસ સ્ટેશન પાસે અકસ્માત ઝોન હોઈ પાટણ - સિદ્ધપુર મુખ્ય હાઇવે ફોરલાઇનબનાવેલ હોઈ સ્પીડ બ્રેકર મુકવામાં આવે તેવી માંગ સાથે ગ્રામજનો દ્વારા કલેક્ટરને આવેદનપત્ર અપાયું હતું. પાટણ સિદ્ધપુર હાઇવે તાજેતરમાં ફોરલાઇન બનાવામાં આવી રહ્યો હોઈ કમલીવાડા ગામના બસ સ્ટેશન હાઇવે પર વાહનો બેફામ દોડતા હોઈ છેલ્લા થોડાક સમયમાં આશરે 10 જેટલા અકસ્માત થવા પામ્યા છે.

અગાઉ સ્પીડબ્રેકર મુકવામાં આવ્યા હતા. જેથી અકસ્માત ઓછા થતા હતા પરંતુ નવીન રોડ બનાવવામાં આવતા આ તમામ સ્પીડબ્રેકર હટાવાતાં કમલીવાડાના બસ સ્ટેન્ડ આગળ અકસ્માત સર્જાઈ રહ્યા હોઈ બમ્પ મુકવાની માંગ સાથે કલેક્ટરને આવેદનપત્ર આપ્યું હતું.