અનુરોધ:ટ્યુશન ફીમાં 15 % ઘટાડો કરવા સેલ્ફ ફાયનાન્સ કોલેજોને યુનિવર્સિટીનો પરિપત્ર

હેમચંદ્રાચાર્ય યુનિવર્સિટી દ્વારા કોરોના મહામારીને લઇ હાલમાં કોલેજોમાં શિક્ષણકાર્ય બંધ હોઈ ખાનગી કોલેજોમાં અભ્યાસ કરતા છાત્રોની ટ્યુશન ફીમાં 15 ટકા જેટલો ઘટાડો કરવા સંલગ્ન 400 કોલેજોને પરિપત્ર કરી અપીલ કરી છે. રાજ્યના શિક્ષણ વિભાગ દ્વારા રાજ્યમાં આવેલી વિવિધ યુનિવર્સિટીઓના કુલપતિઓ સાથે ઓનલાઇન બેઠક યોજી હતી.

જેમાં કોરોનાની મહામારીને લઈ વાલીઓ દ્વારા મળેલી રજૂઆતોને ધ્યાનમાં રાખીને મંત્રી દ્વારા કુલપતિઓને તેમની યુનિવર્સિટી સંલગ્ન સેલ્ફ ફાઈનાન્સ કોલેજોને ફીમાં 15 % સુધીનો ઘટાડો કરવા માટેની ભલામણ કરી હતી. જેને પગલે ઉત્તર ગુજરાત યુનિવર્સિટી દ્વારા સંલગ્ન તમામ કોલેજોના સંચાલક મંડળના પ્રમુખોને પરિપત્ર દ્વારા શૈક્ષણિક વર્ષ 2020 -21 માટે ટયુશન ફીમાં 15 % સુધીની રાહત આપવા અનુરોધ કર્યો છે.તેમ યુનિવર્સિટીના રજિસ્ટ્રાર ડો.ડી એમ પટેલ દ્વારા જણાવ્યું છે.