ચોરી:રાધનપુર તાલુકાના કમાલપુરના વાડામાં પાર્ક કરેલ ટ્રેકટરની ચોરી

રાધનપુરના કમાલપુર (સાતુન) ગામના વાડામાં પાર્ક કરેલ ટ્રેકટરની રાત્રે કોઇ અજાણ્યા તસ્કરોઅે ચોરી કરી ગયા હતા. અા અંગે ખેડૂતે રાધનપુર પોલીસ મથકે અજાણ્યા શખ્સ સામે ચોરીની ફરિયાદ નોંધાવતા પોલીસે આ મામલે આગળની તપાસ શરૂ કરી છે.

રાધનપુર તાલુકાના કમાલપુર (સાતુન) ગામે રહેતા જશાભાઇ ઝેણાભાઇ રાવળે તેમનુ ટ્રેકટર જીજે 12 બી 2475 તેમના ગામાના વાડામાં પાર્ક કર્યુ હતુ આ દરમ્યાન રાત્રીના સમયે કોઇ અજાણ્યા તસ્કરો તેની ચોરી કરી ગયા હતા. સવારે ખેડૂતને ટ્રેકટર ન દેખાતા આસપાસ તપાસ કરી હતી પરંતુ ટ્રેકટર ક્યાંય ન દેખાતા ટ્રેકટર ચોરાયાનુ માલુમ થયુ હતુ. અા અંગે ખેડુત જશાભાઇઅે રાધનપુર પોલીસ મથકે ટ્રેકટર ચોરીની ફરિયાદ નોંધાવી હતી. જેની તપાસ પીઅેસઅાઇ બી.જે.સોઢા ચલાવી રહ્યા છે.