તસ્કરોનો તરખાટ:પાટણમાં ખેડૂતના બંધ મકાનમાં તસ્કરો ત્રાટક્યા, દાગીનાની ચોરી કરી

પાટણ તાલુકાના ડેર ગામે ખેડુત તેના ખેતરમાં કામકાજ અર્થે બે દિવસ રોકાણ કરતા ગામમાં તેના ઘરે તસ્કરો ફરિ વળ્યા હતા આ તસ્કરો ઘરમાંથી સોનાચાંદીના દાગીના જેની કિ.રુ.26 હજારની ચોરી કરી ગયા હતા.

પાટણ તાલુકાના ડેરગામે રહેતા કાંતુજી સુરજજી ઠાકોર તેમના ગામમાં આવેલ ઘર બંધ કરીને ખેતર સીમમાં કામ અર્થે બે દિવસ રોકાયા હતા તે વખતે ગામના ઘરનુ તાળુ તોડી ઘરમા રહેલ તીજોરીઓના તાળુ તોડી તીજોરીમાં રહેલ જુનો કદોરો 200 ગ્રામ તથા ચાંદીની જુની પાયલ 100 ગ્રામની, ચાંદીના જુના પાંચ સિક્કા 50 ગ્રામનો મળી કુલ રૂ.1000 અને સોનાનો દોરો 9 ગ્રામનો જેની કિ.રૂ.25 હજાર સોનાના દાગીના કુલ રૂ.26 હજારની તસ્કરો ચોરી કરી ગયા હોવાની બાલીસણા પોલીસ મથકે ફરિયાદ નોંધાવી હતી. તેની તપાસ અધિકારી પીએસઆઇ પી.એસ.ચૌધરી હાથ ધરી હતી.