ઉજવણી:પાટણના રિજિયોનલ સાયન્સ સેન્ટરમાં શિક્ષક દિવસ ઉજવાયો, 150 શિક્ષકોએ ભાગ લીધો

પાટણ22 દિવસ પહેલા
  • કૉપી લિંક
  • પાટણની રિજીયોનલ સાયન્સ સેન્ટરમાં શિક્ષક દિવસની ઉજવણી કરવામાં આવી

પાટણ ખાતે આવેલ સરસ્વતી તાલુકામાં રિજિયોનલ સાયન્સ સેન્ટર આવેલું છે. જે ગુજરાત સરકારના વિજ્ઞાન અને પ્રૌધોગિકી વિભાગના નેજા હેઠળ કાર્યરત ગુજરાત કાઉન્સિલ ઓન સાયન્સ એન્ડ ટેક્નોલોજી દ્વારા વિકસાવવામાં આવ્યું છે.

રિજિયોનલ સાયન્સ સેન્ટરમાં આજે 5 સપ્ટેમ્બર 2022ના રોજ શિક્ષક દિવસ ઉજવવામાં આવ્યો હતો જેમાં પાટણ જિલ્લાના જુદા જુદા તાલુકાઓ માંથી આવેલ 150 જેટલા શિક્ષકોએ ભાગ લીધો હતો. આપણા ભૂતપૂર્વ રાષ્ટ્રપતિ ડૉ. સર્વપલ્લી રાધાકૃષ્ણનનો જન્મ 5 સપ્ટેમ્બર 1888 ના રોજ થયો હતો, તેથી તેમના શિક્ષણ વ્યવસાય પ્રત્યેના પ્રેમ અને લગાવને કારણે, તેમના જન્મદિવસ પર સમગ્ર ભારતમાં શિક્ષક દિવસની ઉજવણી કરવામાં આવે છે. સાયન્સ સેન્ટરના પ્રોજેક્ટ ડાયરેક્ટર ડૉ.સુમિત શાસ્ત્રીએ આવેલ તમામ શિક્ષક મિત્રોનું શાબ્દિક સ્વાગત કર્યું હતું અને શિક્ષક દિવસ ની હાર્દિક શુભેચ્છાઓ પાઠવી હતી.

તેમણે સમજાવ્યું કે કેવી રીતે સાયન્સ સેન્ટર શાળાના શિક્ષણને પૂરક બનાવવામાં ભૂમિકા ભજવી શકે છે અને આ સાયન્સ સેન્ટરની વિવિધ ગેલેરીઓના પ્રદર્શન વિશે ટૂંકમાં માહિતી આપી. ત્યારબાદ આવેલ શિક્ષક મિત્રોએ પોત પોતાના શિક્ષણ ક્ષેત્રથી પ્રાપ્ત થયેલ અનુભવ વ્યક્ત કાર્ય હતા. રિજિયોનલ સાયન્સ સેન્ટર તમામ શિક્ષકોનો હૃદયપૂર્વક આભાર વ્યક્ત કરે છે જેઓ સખત મહેનત કરે છે અને શિક્ષણ થકી રાષ્ટ્ર નિર્માણની પ્રક્રિયામાં ઘણું યોગદાન આપે છે.

અન્ય સમાચારો પણ છે...