તસ્કરી:શાળાથી ઘરે જઈ રહેલાં સિદ્ધપુરનાં શિક્ષિકાના સોનાના દોરાની તફડંચી

સિદ્ધપુરના શિક્ષિકા શાળાએથી સોમવારે ચાલતાં જતાં હતાં ત્યારે બાઇક પર આવેલા બે શખ્સો તેમના ગળામાંનો સોનાનો સવા તોલાના દોરો ખેંચીને બાઇક પર બેસીને નાશી છૂટ્યા હતા. સિદ્ધપુરની નંદનવન સોસાયટીમાં રહેતા ધર્મિષ્ઠાબેન બળદેવભાઇ પટેલ ખળી ગામે અાવેલી ઉમિયાપુરા પ્રાથમીક શાળામાં ફરજ બજાવે છે. જે સોમવારે બપોરે શિક્ષણ કાર્ય પૂણ કરી સ્ટાફના નિલમબેન પટેલ સાથે ચાલતા જોગણી માતાના મંદિર નજીક પસાર થતાં હતાં ત્યારે બાઈક પર આવેલા બે શખ્સો પૈકી એક શખ્સે નીચે ઉતરી ધર્મિષ્ઠાબેન ગળામાં પહેરેલ સોનાની ચેઈન (રૂ.50000)ની ખેંચી બાઇકમાં બેસી ખળી ચાર રસ્તા તરફ ફરાર થઈ ગયા હતા. અા અંગે ધર્મિષ્ઠાબેને સિદ્ધપુર પોલીસમાં ગુનો નોંધાવ્યો છે