વિવાદ:વદાણી પાસે ખેતરમાં ગાયનું કંકાલ મળતાં મારણ થયાની આશંકા

પાટણએક મહિનો પહેલા
  • કૉપી લિંક
લોકોનું ટોળું  બસસ્ટેન્ડ પર હોટલો અને દુકાનો બંધ કરાવતાં હતા - Divya Bhaskar
લોકોનું ટોળું બસસ્ટેન્ડ પર હોટલો અને દુકાનો બંધ કરાવતાં હતા
  • રોષે ભરાયેલા લોકો દ્વારા બસ સ્ટેન્ડ પર હોટલો અને દુકાનો બંધ કરાવવા પ્રયાસો

પાટણ ડીસા હાઈવે પર આવેલ સરસ્વતીના વદાણી ગામ નજીક ગાયના શંકાસ્પદ મોત અંગે સવાલો ઉભા થતા આ વિસ્તારના લોકોમાં આક્રોશ ભભુકી ઉઠતા લોકોના ટોળેટોળા એકઠા થયા હતા. ગામ નજીક ખેતરમાં ગાયની કતલ થયાની આશંકાથી વાગડોદ પોલીસ સ્ટેશન ખાતે રજૂઆત કરવામાં આવી હતી.

બપોરના સમયે લોકોનું ટોળું વદાણી હાઈવે બસસ્ટેન્ડ પર હોટલો અને દુકાનો બંધ કરાવી રહ્યા હતા તે સમયે પોલીસે દોડી આવતા મામલો થાળે પડ્યો હતો. ત્યાર બાદ ગામના સરપંચ સહિત બે-ત્રણ આગેવાની ઉપસ્થિતિમાં વાગડોદ પોલીસ સ્ટેશન ખાતે ચર્ચા વિચારણા કરી હતી અને તપાસ પગલાં હાથ ધરવામાં આવશે તેવું જણાવતાં મામલો થાળે પડ્યો હતો.વાગડોદ પોલીસે ઘટનાસ્થળે પંચનામું કરી જાણવા જોગ દાખલ આગળની કાર્યવાહી હાથ ધરી હોવાનું પીએસઆઇ ગઢવીએ જણાવ્યું હતું.

અન્ય સમાચારો પણ છે...