માંગ:ચૂંટણીના બીજા દિવસે જિલ્લાના શિક્ષકોને રજા આપવા રજૂઆત

પાટણ જિલ્લા સહીત રાજ્યમાં સ્થાનિક સ્વરાજ્યની ચૂંટણીઓમાં 21 અને 28 ફેબ્રુઆરી 2021 દરમિયાન નગર, તાલુકા અને જિલ્લા પંચાયતની સામાન્ય ચૂંટણી યોજાવાની છે. જેમાં સરકારી પ્રાથમિક શાળામાં ફરજ બજાવતા શિક્ષકોને માસ્ટર ટ્રેનર્સ, ઝોનલ ઓફિસર, પોલિગ ઓફિસર જેવી વિવિધ કામગીરી આપવામાં આવેલ હોઈ કર્મચારીઓ બે, ત્રણ દિવસ અગાઉથી જ ચુટણી ફરજ પર હોય છે.

ઉપરાંત ચુટણીના દિવસે રાત્રે મત પેટીઓ જમા કરાવવા અને રીસિવીગ સેન્ટર પર અન્ય સામગ્રી જમા કરાવતા રાત્રે ખૂબ મોડું થઇ જતું હોય તેમજ કામગીરીને લઇ શારીરિક અને માનસિક થાક લાગતો હોય જેના કારણે ચૂંટણીના બીજા દિવસે શાળામાં ફરજમાં મુક્તિ આપીને ઓન ડ્યુટી ગણવા રાષ્ટ્રીય શૈક્ષિક મહાસંઘ દ્વારા ગુજરાત ચૂંટણી આયોગેને રજુઆત કરાઈ છે.