વીજવાયરની ચોરી:પાટણના પંચાસરગામમાં તસ્કરોએ બોરના વીજ જોડાણની 2 લાઇનોના વાયર ચોર્યા, આશરે દોઢ લાખની કિંમતના વાયરો ચોરી

શંખેશ્વરના પંચાસરગામની સીમામાં ખેતીવાડી વીજ જોડાણ નાખવામાં આવેલું છે. ત્યાં અજાણ્યા શખ્સોએ વીજવાયરની લાઇનના વાયરની ચોરી કરીને નાસી ગયા હતા. આ વીજવાયરની કિંમત 1 લાખ 35 હજાર રૂપિયા થાય છે. ચોરી થયેલી વીજ કંપનીના નાયબ ઇજનેરે સમી પોલીસ મથકે આ બનાવ અંગે ચોરીની ફરિયાદ નોંધાવી દેતા પોલીસે આગળ તપાસ હાથ ધરી છે.

અંધારાનો ફાયદો ઉઠાવી ચોરી કરાઇ
શંખેશ્વર તાલુકાના પંચાસરગામની સીમામાં આવેલા ઉત્તર ગુજરાત વીજ કંપનીના વાયરની ચોરી તસ્કરોએ કરી હતી. આ ખેતીવાડી વીજ જોડાણની લાઇન ગોયલ દાનુભાઇના બોર તરફથી ચાવડા રમાભાઇના બોર તરફ જઇ રહી હતી. જે બન્ને લાઇનોમાં વીજ જોડાણ હતું. ત્યારે ગુરૂવારે રાત્રે અંધારાનો ફાયદો ઉઠાવીને અજાણ્યા તસ્કરોએ એલ્યુમિનીયમના 55 એમ.એન.સ્ક્વેર રેબીટ કંડકટર વાયરની ચોરી કરી હતી.

પોલીસે વધુ તપાસ હાથ ધરી
ચારી થયેલા વાયરોની કિંમત આશરે 1 લાખ 35 હજાર થાય છે, તે આશરે 5.4345 કી.મી. એવા 43 ગાળાના ત્રણ વાયરો હતા. જે તસ્કરો ચોરીને નાસી ગયા હતા. આ બનાવ અંગે નાયબ ઇજનેરે શંખેશ્વર પોલીસ મથકે ફરિયાદ નોંધાવી હતી. જેના આધારે પોલીસે આગળ વધુ તપાસ હાથ ધરી હતી.